Aita Santu Leon XIII-garrenari

Oregi, Jose Gaspar

 Mundo guzitik ¡o egiyaren

 Sortalderako eguna,

 Izkuntza danak Aita Santua

 Bizi-bedi-tzen dutena,

 Zabaltzen asi bazaigu bada

 Ama Eskuera laztana,

 Jaiki lotatik, lotatik jaiki,

 Zerez illezkor zerana!

 ¡O gure izkunz zar miragarri

 Bizkortzen ai zatzaiguna!

 ¡O Ama Eskuera maitagarria,

 Gaur jakintsuen kutuna,

 Zure seme-on izenean zuk

 Gure Aitarik Aitena

 Bizi-beditu ezazu ¡arren

 Leon amairugarrena!

 Bada Apaiztu zanetik gaurko

 Añ egun doatsuraño

 Edo berrogei eta amargarren

 Urte-muga ontaraño

 Eldu da eta, bedeinka gaitzan

 Mendi-arte oyetaraño,

 ¡Zoaz, Ama, gaur ene biotzetik

 Aitaren oñetaraño!

 ¡Bizi dedilla! ¡bizi dedilla

 Guztiz osasungarriro,

 Arbola ederrak frutu gozoak

 Eman ditzan, bai, luzaro!

 ¡Bizi dedilla! ¡eta ekaitzak

 Nola diraden igaro

 Ikus dezala, Jainkoa nun-nai

 Laudatutzeko gozoro!

 ¡O pozgarrizko Eliz-argiya,

 Jakintsu gañ-gañekoa!

 Aita Santuen laurkain-go izar

 ¡O argienetakoa!

 Odei artetik ateratzeko

 Izkuntz pare-gabekoa,

 Jaungoiko onak emango al dizu

 Argi miragarrizkoa!

 Gazteak zartzen, zarrak gaztetzen

 Miragarritzen zerana!

 ¡Aundiyak chiki, chikiyak aundi

 Maiz egin oi dituzuna,

 Aunditegitik jechiya bada

 Umiltegiyan daguana,

 Au begi gozoz begira goitik

 Ama Eskuerarengana!

 ¡Egiyan portitz, biyotz ederdun

 Leon leuntzen zu, Jauna,

 Zu zere eskuko zeru-lurretan

 Miragarritzen zerana!

 ¡Zu bere maita-garritasuna

 Biyotzetara dezuna!

 ¡Zu guzi guziok bere bitartez

 Zerura nai gaituzuna!

 ¡Miragarriyak miragarrientzen

 Iraun ta iraungo dezuna,

 Lurrean, Jauna, eman zayozu,

 Urte askoko osasuna!

 ¡Bere bitartez zure Eleizari

 Garaimen-zabaltasuna,

 Eta zeruan ari ta danoi

 Gure zoriontasuna!