Zuretzat, Jauna, Ereskin ori!
Altzo'ko Mikel A.
(Zulaika'tar Jos. An. ta Arregi'tar Pel. Jaunai,
Lekarotzko Ikastetxeari Eliz-ereskiņa ematean).
I
Udaberriko gauetan
Ludia lotan dagon orduan,
Arrosatxoa izarrakiņ
Ixil ari da mintzo maitetan;
Urretxindorrak esan dit,
Gaueko txiyo politan.
Txoriak bere maiteak
Goiz ixillari esan dizkio...
Errekak belardiari
Musu bero bat goiz eman dio...
Karnabak goizan esan dit,
Errekari entzun dio.
Eguzkiarenganako
Landareen laztan-itz xamurrak
Xoxoak dakizki ongi...
Maiteentzako gizonen leiak
Dakuski etxe-txoriak,
Illuntzero esan dizkit.
II
Baztan-erriko biotzan
Garai guztitan aintza xamurrak
Kristori Ereskin onez
Esango ditu euskel-ludiak...
Jaun orrek, entzun itzazu,
Zuk egin zituzun, entzun.
Euskel-umeen baratzan
Euskel-gogoak goiz ixilletan
Maiteki laztan beroak
Esango ditu abots xamurran...
Euskel-umeen laztana
Artu bai, euskoen Jauna.
Zuretzat ereskin ori
Euskeldun-gogoen Jabe ona;
Euskeldun batek dematzu,
Artu, Jauna, euskoen laztana;
Ordaņez zaitu euskera,
Zaitu bai Euskal-erria.