Nun ote da Gillermina?
Neruda, Pablo
Nun ote dago Gillermina?
Nire arrebeak gonbidatu zuanean
eta, ni irten nintzan atea irikitzera;
eguzkia sartu zan, izarrak sartu ziran,
sartu ziran garizko bi ille-motots
eta, amaitu eziņeko bi begi.
Amalau urte nituen nik
eta, arroxko illuna nintzan,
mearra, ertsatua, eta ximurra,
illetaritsu eta itxurazalea;
armiarmakin bizi nintzan ni
basoko urak ezotuta;
egagogorrak ezagutzen ninduten
eta iru margodun erleak,
nik eperrekin lo egiten nuan
osasun belarpean murgilduta.
Orduan sartu zan Gillermina
bi tximizta urdiņakin
zearkatu zidatenak illea
eta josi ninduten ezpatak bezala
neguaren ormearen aurka.
Au Tematuco'n gertatu zan.
An egoaldean, mugan.
Geldiro igaro dira urteak
larrulodien antzera oinkatuz,
zaunka egiņaz azariak bezala,
likiskiro igaro dira urteak
gorakoi, murritz, illetatsu,
eta, ni ibil nintzan odeiz-odei,
lurrik-lur, begirik begi,
euria erortzen zan bitartean
soiņeko berdiņaz, mugan.
Nire biotza bidaitu da
alda eziņezko zapatakin
eta, arantzak txegosi ditut:
geldiunerik ez nuan izan iņun:
iotako lekuan io ninduten,
il ninduten lekuan eror nintzan
eta berbiztu nintzan ezetasunez,
eta gero eta gero eta gero,
ain luzea baida gauzak edestutzea.
Ez dut ezer geiagotzekorik.
Bizitzera etor nintzan mundu ontan.
Nun ote dago Gillermina?