Kristau illen alde
Altzo-Azpi, Migel
1.ª
Gure erruen garbikari zeran
Ama laztan guztintzat maitena
Beti miñez dauden ill gaxoei
Lagundu zuk, lagunik onena,
O Maria!
2.ª
Ama zuri begira daude illak
Miñ gogorrak igesi naiean;
Alai beti zurekin baturik
Nai dute-ta poztu zuri baitan,
O Maria!
3.ª
Gogo gaxok laguntzen leiatu;
Ene Ama, oiek errukitu;
Bere zauriz Josu'k senda ditzan
Semeari Amatxo, arrendu,
O Maria!
4.ª
Zure deiez daudenen ustea,
Zuregana gatozkitzu, Ama;
Anai oiek Josu'ri eraman,
Arren anai maite dituzu-ta,
O Maria!
5.ª
Gure malko errukarri oiek
Epalleak bai ote dakuski?
Ene Ama, malko oiez suak ill,
Begitxo oiek bigundu Josu'ri
O Maria!
6.ª
Azkeneko epai aldi-artan,
Jainkoaren asarre gogorran.
Epallea leiak bai! arrendu
Bere baitan arren! artu gaitzan;
O Maria!