O, zu uraren errege

Najera, M.Luisa

 O, zu uraren errege

 Ezjakinaren nagusi

 Benetan miresgarri

 Begientzat harrigarri

 Zein izan zure etsaia

 Menpera ezin duzuna?

 Gizona ote? ez... lurra?

 Gutxiago, nor orduan? Tsss...

 Eskuzabala zara, bai

 Eskuzabala ta gaiztoa

 Bizia eman diezu

 Ta zenbat zureganatu?

 Oso jakintsu zara zu

 Munduko gauzak dakitzu

 Eta eroa, inork ezin

 Baitu zurekin asmatu.

 Nork asma zure aldaketak

 Urdinetik orlegira?

 Patxadatik harrotzera?

 Ixiletik zaratara?

 Zu zara arrainentzako

 Bizi ta hil kabia

 Margo adierazpena

 Itsas-ontzien hilobia

 Non mila margoko arrain?

 Non hainbeste edertasun?

 Itsas-ontzi urperatu.

 Zure hegal azpian baizik?

 BAKARRA, PAREGABEA, ITSASOA ZAITUGU ZU