Nun da nekazaria?
Txakurra zaunka ate ondoan
uluka ganaua ikuluan
atxurra lotan erdoi artean
gurdia itxulita atarian
Arria ugari solu gorrian
kimuak ximelduta baratzan
Lurrean autsa azian ordez
antzotu zaizkigu baserriak!
Eta... nun da nekazaria?
nun dira nekazariak?
Nun izkutatu ote dira
baserrietako langilleak?
Mamorru beltza sagastietan
sastraka margulla mendi-goian.
Zelaiak ez du belarrik sortu
ardirik ez duan aitzakian
Eratxi dute aritz aundia
milla urteko itzala zuan
Zer izango da biarko eguna
umerik ez ba da sukaldean?
Eta... Nun da nekazaria?
nun dira nekazariak?
izardi-patsa uzten ari dira
kale barreneko lantegian
Nun da nekazaria?
nun dira nekazariak?
Iltzera zeak baserri-etxea
odol-ustuta guregatikan
Nun da nekazaria?
Nun dira nekazariak?...