"El Ferial"eko feria
Manterola, T.
1.
Udazkeneko sasoi honetan
bidexurra hostoz bete
ikastolara dihoaz haurrak
udaberria heldu arte.
Aurten berriz ez daukate erreza,
bide txarra daramate
ikastola eta estatala
daude oraindik aparte.
2.
Mondragoen gertatu-da gauza
benetan lotsagarria
elkarren kontra aritutzea
ez al da penagarria.
Istilu hauek sortu nahia
ez da egoera berria
Madrilgoarentzat ez da txarra
guretzako da larria.
3.
Ikastola asko hazi da ta
umetxoak ugaritu
konturature egin baino len
tokirik gabe gelditu.
Estatalean umeak gutxi,
konponbidea aurkitu!:
«Gure haur denak lasai sartzeko
adina gela baditu».
4.
Estataleko kastellanoak
ez ziren jarri kontentu
esan zuten: «ikastolakoak
eskola digute kendu».
Hortik borrokan hasi artean
ez zen izan bi momentu
hemen bizi den komunitate,
arteko gerra zen lertu.
5.
Ikastolako haurrak El Ferial
ezagutu zuten antza
ez da seguru eskola ote zen
edo oiluaren gantza.
Amak oihuka, haurrak atean
alde bateko balantza
Hoiek eskola libra zezaten
bidali zuten Ertzantza.
6.
Guraso ta ertzainen artean
asmatu zuten kirola
Porra altxatuz alde batetik
bestetikan guardasola.
Parre piska bat egingo nuke
gauza gerta balitz hola
Baina ertzantza polizia da
ta hoiek daukate pistola.
7.
Indarra lagun ikastolaurrak
eskolara berrirore
kastellanoek ertzainen paren
emana zuten amore.
Ferialean batzuk barruan
hasi dirade dotore
Andereñoen lezioari
nahiz ta ez egin kasore.
8.
Alde batetik eta bestetik,
gauza izan da azkarra,
manifestapen eta pankarta
beti jende barra barra.
Harrigarria baldin badare
jende guzian algara:
«Haurrek nahi dute Euskal Eskola
Publikoa ta bakarra».
9.
Oihu eder horren bestaldean
ezkutatzen da egia
Madrilgoek eta Gasteizkoek
ondo gorde nahi beria.
Madrilek dio «Gasteizek eindu
eskoletako aberia».
«Transferentzik ez-dio Gasteizek-
haiena baita legia».
10.
Gerra honekin sortua dute
mila saltsa ta nahaste
estataletan euskaraz aldiz
ez dira sekula hasten.
Euskal eskola eskuratzeko
-hori dut behintzat nik uste-
nahikoa zaigu borrokatzeko
elkarganatzea laster.
