Aita Sebastian Mendiburu-koari, bere eriotzaren lenbiziko euntean
Manterola, Jose
Zure izen ona gaur berritzen da Euskal-Errian
Koroi galantaz agerturikan gure aurrian,
Ta euskaldun leyal guztiyak daude gaur zoraturik
Zure birtute eta doaiak ezaguturik.
Danak diote chit zeradela prestu ta azkarra,
Zure lanakin goitu dezula euskera zarra;
Milla itz-ederrez gozo ta estiro apaindurikan
Eta liburu oso biktaiñez orniturican.
Euskaldun ona, kristau fiñ eta fedez betea,
Izdun ederra, izkribalari berdiñ-gabe,
Zure semiak gaurko egunetan zaituzte agurtzen
Ta erramu lorez zure burua dute koroitzen.
Mundura danak ekartzen degu lege gogorra,
Eriotzari ordain zenion zuk zere zorra;
Zure anima Zeru alaira joantzan berriro
Bere Egillea ikusi nairik aurkez garbiro,
Baña emen bean gelditu zaigu zure oroipena
Eta eriotzak indarrik ea du iltzeko aomena.
Eunki bat joan da, ¡ez dio ajolik! gerore aurrera
Euskera bizi dediñ artean biziko zera,
Izanik beti izar galant ta dizdizariya
Nai dutenentzat ikasi gure izkuitz eztiya,
Aiñ aberatza; aiñ otseztia aiñ gozoa
Dirudiyela Zeruban bertan sortutakoa.
Ikus ditzazu, ¡O Mendiburu! zure semeak
Oiarzun artan nola dabiltzan pozez beteak
Zeru goiraño jaso nairikan gaur zure izena,
Mundu guziyan zabaldu nayez zure aomena;
Ikusi zazu zure lur maite Euskal-Erriya,
Biotz-biotzean penak izanik, festaz jantziya
Zure eunteko mugaldi ause otseztitzeko
Eta mereziya dezun fama zuri emateko.
Biur zazkizu, bada, begiyak gure artera,
Lagun gaitzazu jira gaitean lege zarrera,
Sendoturikan bearra degun gure fedean
Ta euskaldun denak elkarganako naitasunean.