Zer naz?
Manterola, G.
Nire biotza geldi so daukat
gogoz amesetan...
beste mundura bizkor doakit
adimen-egotan...
Ludi onen iguiņa.
datorkit oldarka,
nire oņak lurrean,
gogo igeska.
Zer ote naz ba emen,
ain ulerkaitz bakan?
Azal-barru begira
ez dazaut zer nazan.
Oņak lur-gain yosirik
buruz zerurantza,
biotza bein gorantz ta
bestean berantza.
Au naste latz ta lorra,
au da eskutapen,
yakingura biziaz,
ez dazaut zer nazen!
Yainko arnas gurenak
gogo egin nindun,
Beren eskuz gorputza
eraldu buztindun,
gogo ta gorputz batuz
notin bakarrean
ĢEzer ez naz" dautort ba
Yaunaren aurrean.
Zer dala ba arrorik
zerbait biotzean
somatzen dot artega
txitean-pitean?
Nire izatek zordun
nazala ba'diņost,
zer dala ez begira
Egilleaganuntz?
Nitzat Bera da dana,
Egille ta Yauna,
izate, bizitz, indar,
unero Emalle.
Zer nazan? ... Ba dot ointxe...
erantzun zuzena:
Emaitz, Yaun-maitasunen
eskutik urtena.
Orrek poztu bear nau,
baita be apaldu,
bizi guztian Yauna
dagidan maitetu.
Yaunare Emaitz eder!
au bai zoriona,
lurreko naigabeak,
gozatzen dauzana.
|