Ama Birjiñaren zerura-alchatzeari
Luis de León, Fray
¿Baita zu ere, ¡Ama!, utzita.
Seme-taldea samiñik,
Edertasunez inguratuba
Pozez-gañezka eziñik,
Bazoazkigu zeru-aldera
Egan aidean egiñik?
Zure-amore iturriyetan
Ainbeste-bidez aseak
Beren Amaren maitakizunez
Urutzen zeuden umeak,
¿Bizi-litezke illoztu-gabe
Naigabearen tristeak?...
Arpegi ori ez ikustekotz,
¿Zertako degu begirik?...
Igas-egiñik zuk guregandik,
¿Nola guk iraun bizirik?...
Gure biotza zu-gabe, Ama,
Eziñ legoke etsirik,
¡Ai! Zu bazoaz, ichasoetan
¿Nola guk igas ekaitzak?...
¡O Izar eder! ¿Nola ez izan
Gure bideak añ-gaitzak?
Nola zu gabe, kaira-eziñik
Purruka-ez gu arkaitzak?...
¡O aingerubak, zeru-zaldunak!
Zubegatik naiz estura;
¿Daramatzute odei artean?
Nere-Ama da ¡bai!... ¡ura!...
¡Ama! zurekin alcha ni gora;
¡Ama! Zerura... Zerura!