Euskera mingañean eta biotzean

Albizu, Gillermo

 1

 Mintzaira eztitsua

 zu nola baizeran

 dedan ezagueran,

 jartzera nua begiz

 nai zaitunak eran.

 Aita ta amari ikasi

 genion izkeran,

 ara argazkia ere

 ikusteko eran,

 jendeak jakin dezan

 nolakoak geran.

 2

 Bertsoak bialduaz

 «Zeruko Argira»,

 ain leku garbira,

 «Basarri'n» Bordatxoak

 daukan atarira.

 Oitura auen berri

 zabalduz lurbira

 abiatu diranak

 gu gauden errira,

 izkuntz onen jakitun

 egin bear dira.

 3

 Bururatu zan zerbait

 egiten astia

 auxe det ustia,

 nik dakidan apurra

 itz bitan ustia.

 Dana bukatzerako

 jungo da astia;

 beste zenbaitek aña

 baneuka astia,

 esango nuke zer dan

 emengo nastia.

 4

 Jaiak artuz udaran

 datoz lanetatik

 ixkin danetatik,

 zuriak eta beltzak;

 diradenetatik!

 Au diot asteroko

 eder onetatik

 eztegu atera bear

 geren onetatik,

 gaurko batzuk bezela

 beren gonetatik.

 5

 Asi naizen lanari

 bear diot eldu

 nola ez ugaldu?

 ainbeste atzerritar

 baldin bada eldu.

 Naiz aurten babarrunen,

 erdirik ez eldu;

 onez datorrenikan

 zertako bialdu?

 Euskalerriak orain

 izena «Babel» du.

 6

 Danak iritxi nairik

 gaindiko torrera

 txukun, dotorera,

 arritzekoa onuntz

 dagon etorrera.

 Beti ezerik zauden

 erri jatorrera,

 bildu nai dun guztia

 Kantauritarrera,

 euskaldun biurtzeko

 azkar betor era.

 7

 Ingurumai ontara

 agertzen diranak

 asko edo geienak,

 beste edozein bezela

 izan leizke onak.

 Bere izkera ibiltzia

 ala nai duenak,

 lendik erabakia

 dauka goiko Jaunak,

 geurerik eztezagun

 galdu euskaldunak.

 8

 Samingarri latzena

 bailitzake ori

 bailitzake ori,

 etorri bear duna

 ezpagabiltz argi.

 Ziurrik lur au degu

 izkuntzen sor-kabi,

 Babiloni'ko kondai

 zarraren irudi

 gertatu zan arren mintz

 ber bera dirudi.

 9

 Gure aurreko aien

 kabi autatua

 zaitut maitatua,

 zenbat amets-egillek

 zeran aitatua!

 Pizti asko gelditzen

 zaizu kokatua;

 asi baño lenago

 norbere kantua,

 eduki bear luke

 nun dagon kontua.

 10

 Aidekoak librerik

 nai badute bizi

 zertan galerazi?

 beren jardun miñian

 ala adierazi.

 Egin izan digute

 ainbat gauz berezi,

 kukuaren otsa da

 guztien nagusi,

 Euskalerri'n euskerak

 bear zun lenbizi.

 11

 Garairen batean, bai,

 ala zan izango,

 nork eztu esango?

 aurrera ikasia da

 guretzat lenengo.

 Iñork eztu orretan

 aurkarik egingo,

 danok batu gaitezen

 orko ta emengo,

 Amari ez al diogu

 poz ori emango?

 12

 Euskera kanpoan da

 euskera etxean

 arnas bakoitzean,

 euskerarekin mintza

 begik zabaltzean.

 Berdin dio lanean

 edo otoitzean,

 euskal mezak entzunaz

 ele zaratzean,

 euskera mingañean

 eta biotzean.