Arkume mutu pintto

Albizu, Guillermo

 1

 Arkume mutur pintto

 anka beltxekoa,

 Ille kixkur txuridun

 adar motxekoa.

 Animali txiki bat

 gure etxekoa,

 Jale purrukatua,

 ezpa gutxikoa...

 Askorik eztet bete

 arkiñ poltxikoa.

 2

 Sabela berdintzean

 bertantxe etzana,

 Nagikeriz askotan

 altxatzen etzana.

 Ixilla ta lotia,

 umill da otxana,

 Berari begiraka

 gozatzen nintzana,

 Azi alan igesten

 asi zitzaidana.

 3

 Izardian furioz

 bi ardi erosi,

 Beste azuritxo bat

 nioten erantsi.

 Eta bien esneak

 ari eranazi,

 Bazka aukeran jarriz

 pentsuakin nasi,

 Artalde bat osatzen

 ola nintzan asi.

 4

 Barruti txikiak du

 iñorena gertu,

 Eta ezin diteke

 bestenera sartu.

 Lotuaz, etsi arte,

 bear zuen urtu;

 nere buruan auxe

 bat batetan sortu...

 Ama biak etxean

 eukitzea lortu.

 5

 Auek dirade berak

 zeuzkan alderdiak,

 Esnez osatzen zuten

 ugaz ama biak.

 Beretzat inguruko

 landare berriak;

 Gañez gain, puntaz punta,

 nasten belardiak,

 Ankapean zapalduz

 zer zilipurdiak!

 6

 Gazterikan egin zan

 kutizien jabe,

 Ezin egonaz auzo

 sallera jun gabe.

 Bertan naikoa zula

 urrutira alde...

 Jarri baño lenago

 danekin asarre,

 Pentsatu nun saltzea

 nula askoz obe.

 7

 Aragiz ornitu zan

 atze, gain da magal,

 Ondo betea zegon

 saiets eta egal.

 Arrunt borobildua,

 luze ainbat zabal;

 Guziz jan zitekean

 ezur, mami ta azal,

 Baña erostun onik

 etzitzaidan azal.

 8

 Bi artzai gustaturik,

 Santos eta Patxi,

 Berea eskeintzera

 etziran iritxi.

 Aren gura ziranak

 bertan berriz gutxi,

 Geiago ikusi gabe

 nik nolatan etsi?

 Edozeñen eskutan

 ez nuan nai utzi

 9

 Gertatu naiz suertez

 ezagun batekiñ,

 Beti ondo konponduk

 giñan alkarrekiñ.

 Galdetu zidan ia

 zer nuen nerekiñ?

 Bere opizioa

 nola dan arakiñ,

 Bereala tratua

 egin nun arekiñ.

 10

 Ekarri nun sokatik

 artuta kalera,

 Pixatzera eramanik

 baskula batera.

 Zertxo egin lezaken

 ildakon galera,

 Memoriz kontuk azkar

 nituen atera,

 Emezortzitik sein bat,

 gutxi gorabera.

 11

 Kulpa geiago gabe

 gaxoa iltzera,

 Kutxillu zorrotzakiñ

 zegonan etxera.

 Ia eraman nuen

 damututa atzera,

 Pena sartu zitzaidan

 nere biotzera,

 Argatik ez nintzan jun

 bere eriotzera.

 12

 Odola kendu zion,

 ta gero larrutu,

 Nik alde egiñarekin

 asko etzan larritu.

 Orain gibel arraiez

 eztaiak ba-ditu;

 sego ta barrunbeak

 zearo garbitu...

 Ojala ezpanintza

 iñora abitu!

 13

 Urrengo egunean

 bera abixatzera,

 Jun nedilla zer pixu

 zun ikusitzera.

 Diximulu ederrean

 ziria sartzera,

 Santu papera egiñaz

 Judas'en antzera...

 Orrela bazabiltza

 zu laister an zera.

 14

 Etzekien bizirik

 pixatu nuenik,

 Ta gaur artzairik iñor

 lotan eztagonik.

 Sei kilo eta seireun

 garbian emanik,

 Emezortzi zanantzat

 gutxi pentsatzen nik,

 Nererikan eztetu

 berriz jaten lanik.