Milla beatzireun emeretzian
Otxoki
-1-
Milla beatzireun emeretzian
aurrenengo zenbakia,
berri-emalle ta gai sallean
izparringi egokia.
Aurrerapena zabaldu eta
esnatu du Euskalerria,
ezta aztuko gure lurrean
iñoiz «Zeruko Argia».
-2-
Urrezko eztaiak aurten dira-ta,
guri zer digu eskatu?
artikulu bat lengo batean
asko zitzaidan gustatu.
Zer jartzen zuen itz-neurtuetan
nai nuke nik esplikatu,
Euskalerriko berrik bialtzen
bear degula saiatu.
-3-
Gure erriko berri ematen
arren, saiatu gaitian,
pozik zabaldu egingo ditu
«Zeruko Argia'k» tartian.
Bizkai'ko euskeran, Zuberokoan,
napar izkera egokian,
Lapurdiko ta gañontzekoak
idatzi zagun batian.
-4-
Euskalerriko izparringiak
merezi du laguntzea,
danok batean zerbait egiñaz,
gelditu gabe atzea.
Beste gauza bat bearrekoa:
irakurleak sortzea,
gaurko egunez komeni baita
kultura pixkat artzea.
-5-
Irakurleak ugaritzea
erriarentzat obia,
gañera indartu egingo zaigu
noski, «ZERUKO ARGIA».
Periodismu on baten billa
dijoala da egia,
billatuaz gai bixigarriak,
kontu ta berri alaia.
-6-
Ara seigarren bertsoa allatu;
au baita bukaerako,
igandea da eta gogorik
ezpaitaukat lanerako.
«ZERUKO ARGIA»!, lagun oberik
ez da aldamenerako,
danen lan ori izan dedilla
euskeraren onerako.