Jaun Basurko maitiari
Larramendi, Ignazio
I
Adizkide bat nuan Irunen
Biziro maitagorriya,
Eliz gizona, euskal-zalea,
Gaņera olerkariya.
Basurko jauna jarri ziyoten
Yzen ezaungarriya.
Adizkide au illa dagola
Ekarri naute berriya,
Sortu zaizkidan malko samiņez
Batea daukat begiya.
II
Basurko onan animan alde
Jarduten badet eskatzen,
Nere barrengo gogorapenak
Atzera naute bulkatzen,
Kristau zintzook izan diranak
Ez dute bear izaten,
Yņork bada ta jarraitu zuan
Kristautasuna zabaltzen,
Egin zituen olerkietan
Ezta besterik ikusten.
III
Uste osoa detan bezela
Baldin bazaude zeruan
Egiten dedan eskariyoa
Artu dezazu goguan.
Bizi laburra seguru daukat
Arkitzen naizen moduan,
Leku polit bat gertu zaidazu
Zuriaren inguruan,
Beti pozkiroz bizi nadiyen
Lagun onaren onduan.
|