Erlas - Txoriyak
Larramendi, I.
Egun batian nengualarik
Etxeko aldamiyuan
Bi erlas-txori polit-politak
Jarri zoizkidan albuan
Bizi lekua eskatzen zuten
Euren izkuntza mutuan
Nere baimena agertu niyen
Ulertutzeko moduan
Beren kabiya egiņ zezaten
Biyok nai zuten lekuan
Nere baimena bazankatela
Igarri ziyotenian
Leku polita autate zuten
Goiko soliba batian
Iltze aundi bat sartua zegon
Ez ortorako ustian
Erlas-txoriak konpondu ziran
Biyok elkarren artian
Kabiya egiten jarraitutzeko
Iltziaren babesian
Egun sentian asi ziraden
Bere kabiya egiten
Lur ezea ta belar legorra
Mokuetan zekarkiten
Lendabizi bat gero bestia
Biyak ipintzen zituzten
Zein lendabizi ta zein bigarren
Etza iņori galdetzen
Ongi ikasiyak etorri ziran
Maisu bearrik etzuten
Amar egunez bukatu zuten
Asitako lantegiya
Belar ta lurraz egiņagatik
Gelditu zan agakiya
Umetxuantzat iduri zuen
Zakartxo eta bustiya
Baņan guraso maitagarriyok
Onda zekiten gustiya
Barren aldia jarri ziyoten
Egasti lumaz jantziya
Etxe berriyon zeramakiten
Illebete eskasian
Bost ume txiki agertu ziran
Kabitzuaren ertzian
Ao zabalik gora begira
Beti zerbaiten eskian
Aita ta ama jana karrayo
Egun bat eta bestian
Zenbait jorrada egiņ zituzten
Bostak azi bitartian
Ume txikiyok aunditu ziran
Luma zeukaten ugari
Bizkarra urdin distiratua
Aurre alde dana txuri
Aita ta ama pozez beterik
Burni ariyan kantari
Neroni ere alaitzen nintzan
Begiratzian ayeri
Alnun gustiya agiņ niyotan
guraso ta umiari
Egun batian egatu ziran
Jayo ziraden kabitik,
Alai zabiltzan otxe onduan
Bat bestiaren ondotik
Geroago ta urrutiyago
Utzi zuten sorlekutik
Azkenerako nonguak ziran
Juan zitzayen burutik
Ez esker onik ta ez adiyo
Alde egin zuten erritik
Txori auekin gertatu zana
Gerta ez dedin gurekiņ
Entzun zazute buru argiyaz
Eta biotz onarekiņ
Mezede asko artu ditugu
Zenbatsu diran nork jakiņ
Jaungoikua-gandik gurasoetatik
Lagun urkoatik berdiņ
Mezede oyek ordaindutzeko
Egiņ dezagun alegiņ.
