Ama haurraren sehaskan lohakartzen
Larralde, Dr.
1
Loi loi nere maitea;
Lo! ni naiz zurekin;
Lo! lo! paregabea,
Nigarrik ez-egin;
Goizegi da! munduko
Gelditzen bazira,
Nigarretan urtzeko
Baduzu dembora!
2
Lo! nik zaitut higitzen;
Lo!, lo! nombait goza;
Ez-duzuya ezagutzen
Amatoren boza?
Etsai guzietarik
Zure begiratzen,
Bertze lanak utzirik,
Egonen naiz hemen.
3
Lo! lo! nere aingerua,
Baina amexetan
Dabilkizu burua,
Hirria ezpainetan,
Norekin othe zare?
Non othe zabiltza?
Ez urrun, ama-gabe,
Gan, ene bihotza!
4
Lo! lo! zeruetarat
Airatu bazare,
Ez, bihur zu lurrerat
Ardietsi-gabe,
Ungi zure aichatzeko
Enentzat grazia:
Guziz eni hortako
Zait ezti bizia!
5
Lo! lo! gauak oraindik
Nombait du eguna,
Ez-da nihon ergirik
Baizik izarrena.
Izarrez mintzatzean,
Zutaz naiz orhoitzean:
Zein guti, zure aldean,
Duten distiratzen!
6
Lo! lo! dembora dela,...
Iduri zait albak
Histen hari tuela
Ekhi gabazkoak;
Choriak, arboletan.
Kantaz hasi dire;
Laster nere besoetan
Gosatuko zare.
7
Bainan atzarri zare,
Uso bat iduri;
Huna nik zembat lore
Zuretzat ekharri.
Ametsetan ait-amez
Othe zare orhoitu?
Ai! birri maite batez
Bayetz erradazu.
|