Donoztiri, ene sort-herria
Landart, Daniel
1
Akitua naizelarik
Hiritik etxerat jiten,
Laster leihoan emanik
Akidura zait eztitzen.
2
Dena otar, oihan, mendi
Borda eta etxexuri,
Eliza gris, plaza berri,
Agertzen zaut Donoztiri.
3
Badu bertzek ez dutena,
Bereziki aire ona.
Azkartzen du osasuna,
Pentsa gure atsegina!
4
Bakea, ixiltasuna,
Xorien kantu arina,
Behi marruma ozena,
Bizia doa aintzina...
5
Donoztiri, Donoztiri,
Ene sort-herri maitia,
Otoi ago beti bizi,
Ta denetaz maitatia!
|