Kristo gurutziltzatuari

 Ez nau mugitzen, Jauna, Zu maitatzeko

 Agindurik naukazun Zeru goitiyak;

 Ez, ere, Zuri bildur idukitzeko

 Su garrezko leize beltz izugarriyak.

 Zuk mugi nazu, Jauna; Zu ikusteak

 Gurutzean josirik, samindurikan;

 Zure eritasun miñak begiratzeak;

 Zu iltzen ikusteak laidoturikan.

 Zure maitetasunak mugi nau, Jauna,

 Ta ainbat, ezik, ez balitz ere Zerurik-,

 Izango nizuke ¡bai! maitetasuna;

 Ta bildurra, naiz izan ez infernurik.

 Ez dezu eman bearrik, Jauna, saririk

 Nik maitatu zaitzadan mairatu-ala;

 Ez banu, ere, dedan uste bizirik,

 Maitatuko zinduzket orain bezala.