Zumayako Dolores eun urtekoari
Aitzondo
Dolores ori Zumaya ortan
Bertan jaio ta azia,
Gure Jaiñkoak emana dio
Oso bizitza luzia;
Sendian ere egin diote
Beren alegiñ guzia,
Oso banakak izaten dute
Eun urteko bizia.
Andre ori da ludi onetan
Bitan amama egiña,
Bost belaun daude sendi orretan
Ori da gauza jakiña;
Oraiñdik ere sanuak dauzka
Adimen ta majiña,
Merezia du Aldundi onak
Emango dion propiña.
Don Benzeslao, eta lagunak
Erriko jaunak urrena;
Oixen da pesta zoragarria
Or antolatu dutena?
Guzti guztiak goratu nairik
Eun urteko amona,
Zarrak orrela goratutzia
Izan liteken onena.
Batzuek gogor izaten dira
Beste batzuek bigunak
Geienentzako laburrak dira
Ludi ontako egunak;
Guziak ongi neurturik dauzka
Jaungoiko guzialdunak
Antxiña samar juan ziran, orren
Gaztetan ziran lagunak.
Ludian oraiñ ikusten dira
Guztiz iztillu tristiak,
Gazteri asko ikusten dira
Gaiztakerian jolasak.
Deabru txarrak egiten ditu
Bere alegin guziak,
Eun urtera nola iritxi
¿Oaiñ jaiotako gaztiak?...
Arrigarri da, bizitutzia
Ludian ainbat urtian,
Burua eta barrena sano
Osasun bete betian;
Oraiñdik ere bizi dedilla
Jaunak nai duen artian,
Zorion asko opa dizkiot
Beste danakin batean.