|
Jose Egino ta Treku Gotzai agurgarriari
Aitzondo
Gotzai berria zaigu
Gugana etorri,
Zorionak erriko
Seme prestuari!
Apaltzen dana oi da
Goienian jarri,
Argatik degu oraiņ
Guztion pozgarri.
Jendia saiatu da
Leial eta ongi,
Gitxi geldituko zan
Makal edo nagi.
Bazter guziak zeuden
Txukun eta garbi,
Zekula ez det ikusi
Orrenbeste argi.
Illaren lenbizian
Onutz etorria,
Illunabarra eta
Gauz ikusgarria.
Pozez txalotu degu
Gotzai maitalia,
Ongi onezpendu du
Azkoitiko erria.
Erria bai zegoen
Bere apainduriz,
Arku eta etxiak
Lore txuri gorriz,
Eleiza bai zegoen
Ederrena berriz:
Esan zeiken geundela
Denok egun argiz.
Gizon bat ere etzan
Egon oso lasa
Ongi moldatu arte
Bere abes-batza
Baņa egun orretan
Bazan txalo otza
Ongi saiatua da
Otaņo apaiza.
Gizon aundizki asko
Ziran inguratu,
Gutziak nai genduen
Jaun ori goratu.
Emengo edertasunaz
Ziran ikaratu
Gotzai orren otoitzak
Ordainduko gaitu.
Jendia saiatu da
Artutako lanez,
Biotz aundiarekin
Egunez ta gabez.
Guzia izandu da
Jaunaren omenez
Gotzaiak bete gaitu
Bere onespenez.
Kargu andikua da
Gotzaiaren lana,
Eskubide osoaz
Eleizak emana.
Egin daiogun bada
Agur gozo bana
Gora Egino ta Treku
Gotzai euskalduna.
|
