Nere olerkiak

Jauregi, Luis

 «Tristeak dira zure bertsoak benetan.

 Gaztea zeralarik, ¨tristuraz noletan?».

 Aizkide, ez dira itunak nere olerkiak:

 alaiak dira baña tristuraz josiak.

 Egizko bizitzaren pakezko dirdira,

 nere bertsoak ori besterik ez dira,

 Egizko bizitz ori alaia da ziñez,

 alaia, baña nun-nai josia samiñez.

 Bizitza bide bat da, Zeruko bidea,

 argatikan da alaia bizitza, aizkidea.

 Itxaropen-euzkiak argitzen gaituta,

 bidean goaz pozez biotzak urtuta.

 Gurutza daramagu sorbalda-gañean,

 baña zorion-lorak ba daude bidean.

 Zerua jartzen dute askok emen beran

 atsegiñ-printz oietan, abereen eran,

 ta «nun beren gogoak, an beren zankoak»,

 ez dira aientzat nere olerki gaxoak.

 Aizkide, ez dira ilunak nere olerkiak,

 alaiak dira baña, tristuraz josiak.