Nere lagun-zar bateri

Jauregi, Luis

 Nitzaz osoro aztuta zaude!

 Ba-dakit benetan:

 ez dit ajolik, t'ez nau orrexek

 arritzen, ziñetan.

 Aurtzarotikan izandu giñan

 aizkide kutunak;

 gazte giñala lotu ginduan

 alkar-maitasunak...

 Ta uskeri batez, lagun-zar, orain

 gizonak gerala,

 nigandik zure biotza aldendu

 umeak bezala!

 Ai!, maitatzeko, alkar ezautu

 bear da lenago:

 erleak, lorak ezautu-ezik,

 eztirik ez dago.

 Ez dezu nunbait ezautu nere

 barruan dagona...

 Agur, lagun-zar! Nigandik-urrun

 izan zoriona.

 Ateetan daukat beste lagun bat,

 benetan laguna,

 munduan norbait kutunik ba-da,

 Bera, bai kutuna!

 Indartuko nau goizero Bere

 Aragi t'Odolaz,

 t'ez gaur, ez biar, iñoiz aztuko

 nitzaz ez da iñolaz.

 Baña nigana berriz ba-zatoz

 maitasun-eskean...

 beso-zabalik emen naukazu

 Jesus'en aurrean.

 Gorrotorikan ez da jaiotzen

 apaiz-biotzean.