Billerako alabak Ama Mariari

Iriondo, Toribio de

 KANTARTEA.

 Ama maite Maria,

 Egiguzu lagun;

 Zure bitartez Jesus

 ikusi dezagun.

 ALABANZAK.

 Zeru eder goyetan

 Nola aingeruak,

 Ala ditugu jarri

 Lurrean koruak;

 Lagundurik Birjiña

 Amoriyotsuak,

 Zerura giyatzeko

 Zuzenki pausuak.

 Ama maite, etc.

 Maria, sortu ziñan

 Mancha gabekua,

 Santidade guziyaz

 Apaindutakua;

 Aingerubak ziyoten:

 ¡Miragarrizkua!

 Eguzki eder ori

 ¿Zeiñ da orrelakua?

 Ama maite, etc.

 Ebaren pekatuba

 Bide zalarikan,

 Infernuko etsaya

 Nagusi jarra zan;

 Baña Birjiña Amak

 Oñperaturikan,

 Gugan ez dauka oraiñ

 Esku-biderikan.

 Ama maite, etc.

 Garbitasuna eskatzeko

 OTOITZA:

 Aingeruzko liriyo

 Estimagarriya

 Usai gozozko belar

 Zerutik jechiya,

 Gorde nazazu, Ama

 Guziz maitatiya,

 Ez dezadan zikindu

 Birtute garbiya.

 Ama maite, etc.

 Estadu bat aukeratzeko

 OTOITZA:

 Estadu bat aututzen

 Zer egiñ jakiñ ez;

 Zure argitasuna

 Indazu mesedez;

 Ez nadilla ichutu

 Griñaren indarrez,

 Aukeratu dezadan

 Komeni dan bidez.

 Ama maite, etc.

 Koruben ugaritzea eskatzeko

 OTOITZA:

 Zure koru ederrak

 Ugaritutzeko,

 ¡Arren! dizut eskatzen

 Grazi egiteko:

 Atozte, bai, gazteak,

 Zeruratutzeko,

 Birjiña deyez dago

 Argana koateko.

 Ama maite, etc.

 PEKATARIYAK ON BIURTU DITUZU

 OTOITZA:

 Infernuko kateaz

 Gogorki loturik.

 Pekatari tristeak

 Daude ichuturik.

 Ama errukizkoa,

 Zuk argi egiñik,

 Ez ditezela gerta

 Betiko galdurik.

 Ama maite, etc.

 Jaunaren aserrea paketzeko

 OTOITZA:

 ¡O pekatu galgarri

 Madarikatuba!

 Aserreturik dauka

 jaungoiko santuba:

 Entzun, Ama, biguña,

 Gure erreguba;

 Palakatu Jaunaren

 Gorroto justuba.

 Ama maite, etc.

 Birjiñari eskerrak emateko

 OTOITZA:

 Milla esker, Zeruko

 Erregiñ aundiya;

 Zuretzat nere biyotz,

 Anima: guziya.

 Izan zaite anparo,

 Emen giyariya,

 Ta gero jesusekiñ

 Betiko gloriya.

 Ama maite, etc.