Ziri-bertsoak
Iraola, V.
Itz-oneko gizona.
-¿Noiz pagatuko nazu,
Pello Mokorua,
Lau illabete ontan
Zor nazun durua?
-Pagatu nai nioke
Momentu denetan,
Baña paltarik gabe
An du bigar bertan:
-Ori esaten nazu
Egunero neri,
Baña nigana ez da
Durua ageri...
-Esaten baiyot nik
Beti ori bera,
Siñale da itzeko
Gizona naizela.
Ondo erantsuna.
-¿Nork agindu dik iri,
Alper golosua,
Ostu eta jateko
Bakallo osua,
Apaltzeko ustian,
Neukana jasua?
¿Oraiñ orren kastiguz
Zer merezi dek ik...?
-Galdetzen dit ia, zer
Merezi dedan nik...
¡Bi baso sagardo on
Ematen badizkit!
|