Izenak
Iraola, Victoriano
Ez dira beko izenak,
adierantzan zuzenak.
Andre Klara da illun motela
baña izketan asten danean,
nastutzen ditu, aiñ da totela,
gauza guziyak Jesus batean.
Eletzat jartzen ditu erreak;
eziñ esandu garbi itzikan;
berak atzeak, berak aurreak,
ez da orlako ingelesikin.
Beste Angustias egoten dana
algaraz ero baten moduban,
eta naiz izan zerbait baldana
dantzatutzen da iru orduban;
arkitzen ditu bere fortunaz
sendatutzeko antsi tristeak,
gau illunean eta egunaz,
gusto gustoko mikeleteak.
Magdalena da, ¡pena batekin!
Iñoiz kupitu izan eztana.
Soledad ere lagunarekin
bakardadean egoten dana:
lagunak nonbait egiñikan on
eta gaisuak nairikan ala,
ez da beñere bakarrik egon,
-uste det zerbait esan detala.-
Urtuko luke onen chingarrak
bere izena Niebes dalare,
ez bakarrikan egur igarrak,
burniya eta brontzia ere.
Ez da beste bat zabaldutzeko
berotasuna nundik naidikan,
eta mutillak masiatzeko
ez da orlako sasi beirikan.
Arkitu nuen nik beiñ Bentura
zeña daukadan beti gogoan:
arkitu ere banuen ura;
neretzat ongi zorigaiztoan.
Eta Leona Bentura baña
milla bidertan obiagoa.
Leonachoa zan alajaña,
ardiya baña umillagoa.
Blanka deitzen da seguru dakit,
eta ez diyot arriturikan.
Blanka izenez deituagatik
ez da ilinchik orlakorikan.
Andre Benigna; au da lau aldiz
alargundua ¡zer andre ona!
akabatzeko ongiro aundiz,
bostgarren artzen duen gizona.
Eta Modesta, ¡a zer Modesta!
kaiburutikan bertan jayua;
erriyetatzen beste bat ezta
orlakorikan, ¡chit da yayua!
Gogorrak dira kai aurretarrak
eta ez chanchaz jarri aurrean,
obek badira soldatu zarrak
jo ta aguro dira lurrean.
Kandida chit da mirabe fiña;
bakar bakarrik bere esanak
engañatzeko dirade diña,
zurriyolako langille denak.
Rosario berriz, kale denetan
beti or dabill bera ta gora,
orobat dantzan, nola festetan,
joan bearrean errosayora.
Inozenzia da bukatutzeko
lenaz nastutu diran izenak,
bera da diña engañatzeko
Donostiyako mutill zar denak.
.............................
Berrizkotikao era danean,
izen berriyak biltzen baditut,
umore ona daukatanean
oraiñ bezela esango ditut.