Iñauteriyak Donostiyan lenago eta oraiñ
Iraola, Victoriano
LENAGO
Antziñetik dator
iñauteriyetan,
Donostiya zala
famatuena,
festak moldatzeko
egun pozkiyetan,
zeña zan doaiyaz
apainduena:
Alkarri laguntzen
zar eta gazteak,
goiko kalekoak
nola auzoan,
guztiyak batu ta
kontentuz beteak
an gertatutzen zan
erri osoan.
Egun zoro aiek
allegatutzeak,
alaitzen zioten
erriko danak,
mutill kaskar eta
jostallu zaleak,
nola gizon aundi
menatuenak.
Guztizko paketsu,
atsegindurikan
jatorrez dutenak
ainbeste grazi,
ibiltzen ziraden
ume egiñikan,
zeñek f'ar geyena
eragiñazi.
Ainbeste ziraden
famak zabalduak,
bada beste gabe
jaun bi onera,
Paristik ziraden
guztiz zaletuak,
etorri festa-aiek
ikusitzera.
Aundi ta chikiyak
biurtu zirala,
-jaun aiek zioten-
guziyak ero,
iru egunetan
sano bat etzala,
danbolindariya
kendu ezkero.
Ala egiñikan
fama aien jabe,
erabat utzirik
lantegi dana
guziyak kontentu
aserrerik gabe
au zan Donostiyan
gertatzen zana.
Geroztik gazteak,
lenagotik zarrak
deitutzen ziraden
buru ariñak,
erriko-seme ta
Josemaritarrak,
zenzu gabekoak
ta kaskariñak.
Geieneko era
iru urte ziran,
Donosti polita
zutela sutu,
negar samiñ aiek
aztuta segiran,
chit festa ederrak
zituzten sortu.
An estudianteak,
an arzaigokiak,
muzorrote-gille
guztiz duichuak,
Andaluziako
ijito nausiak,
Balenziakoak
berriz ichuak.
Urrena ezpata-
dantzari gozoak,
nola dendarien
festa berriya,
zortziko ederrak
eta gozotsoak.
alaitzen zutenak
ongi erriya.
Zerbait geroago
baratzagilleak,
guztizko panposa
eta arroak,
chirikortatu ta
luzean illeak,
eguzkiya baña
ederragoak.
Jantzi kolorezko
ñibirri ñabarrak,
lore politakiñ
ongi egiñak,
lastozko chapelak,
zinta beltz zabalak
eta panillazko
gorontza fiñak.
Giza-semearen
chapel egokiyak,
mirtos chalekoak
jiran ederki,
gerriko sedazko
lazodun gorriyak,
eziñ zitezkean
egon obeki.
Zerbait geroago
Zapatari festan,
Pazia-gilleak
Turkiyakoak.
Langille maisubak,
zortzikoak ala
festari Okiñak
Frantziyakoak.
Gero andik laister
berriz langilleak,
arotz, perratzalle,
tornularia,
arropa saltzalle,
zapatagilleak
galdarakiña ta
chorrotzalliak.
Ezta emen festik
izandu eztanik.
Iltzeko zezenak
ta sokakoak,
erabillitzen
aztu gabetanik
kalerikan kale
azkenekoak.
Ordukoak dira
Kriskitin kraskitin,
Chulo chulito ta-
Iriyarenak,
Dancharicho, eta
gañera Pispilin.
Donostiyakoak
dirade denak.
ORAIÑ.
Oraiñ len bezela
erokerirako,
erri igualikan
beste bat ezta,
irteten dirade
egun sentirako
zelebratutzera
patroyen festa.
Achero bizartsu
ongi apainduak,
tarrapatataka
atabal dunak,
kalerikan kale
errenkaratirik
juaz guztiz soñu
eder legunak.
Kandel-egunean
iñure gazteak,
egiyetakoak
diruritela,
ongi apainduta
graziyaz beteak,
pastel saltzallea
anche dutela.
Arzaichoen dantza
ta kantu nasteak,
nola pazi-gille
Ungriyakoak
beren chapel zabal
ta chima luzeak,
guziyak guztizko
ikustekoak.
Goizean goiz aski
dila abisatzen
alegeratzeko
laister eroya,
ziririkoakin
ti ta abisatzen
allegatu dala
iñauteriya.
Aguro diraden
ikusten nastuak
gazte eta zarrak
plaza aldera,
garrochdunak baña
geiago poztuak,
goizero iriya
chuliatzera.
Amaikak aldera
plazacho batetik,
irteten dirade
festalariak,
pasiaz aurrera
Ernani kaletik
bat bezin bestea
ikusgarriak.
Zaldizko galayak
sedaz apainduak,
estandarte-dun ta
klarinariak
buru aundiak
saltoka nanuak
far eragiteko
ala jarriak.
Turkuen gisara,
Chinuen moduan,
musikoen jantzi
diferenteak,
dantzan ta kantari
beren inguruan,
ala zijoazen
estudianteak.
Bi goianti luze
azaldutzen dira
balira bezela
andre gizonak,
oso chokatu ta
ayeri begira,
ler far egin zuen
gura amonak.
Chestuen moduko
gurdi alegrea,
ongi jantzitako
aurrez betea,
ondoren "Lau erak",
Ichas erregea.
Choriyen kabiya
berriz bestea.
Elefandi eder
errege chinoa,
galaz estaliya
bere jargoiran,
jauregi polit bat
turko errikua,
eta beste gauza
asko segiran.
Pasa ziranean
amerikatarrak,
Erregiñ eder bat
aien onduan;
brontze kolorezko
indiyo gogorrak,
zeramazkiyela
bere kontuan.
Chalupa bat gero
bandarachoakin,
karrozak berriro
aien urrena,
ollardia beren
gañekoarekiñ...
¡nik ez dakit nola
kontatu dena!
Sei abere gazte
chit galaz jantzita,
karroza eder bat
zebilkitela,
festako errege
jargoiyan jarrita,
majestade aundiz
zaramatela.
Bertako musikak,
bertako klariñak,
banderak, loriak
koskabilloak,
guziyak ziraden
ederki egiñak,
guziyak ziraden
famatzekoak.
Iltzeko zezenak
zaldun galayakiñ,
onak izan ziran
zezenen plazan,
eta geroago
jantzi politakiñ
baratzagillien
festa izan zan.
Kontatu biardet
aditu bezala,
oraindik ez dira
amabost egun,
zispiriyaz batek
esaten zirala,
¡zeiñ izan liteke
ayekiñ lagun!
Gero arratsian
millaka argiyak,
bukatzeko festa
sardiñarena,
atabal musikak
eta kantariyak,
egite danetan
famatzendena,
zulotik irtenaz
sua eta garra,
diabrubak jiran
ariñ dantzari,
globoan joaten da
gure sardiñ zarra
ariyo egiñaz
jende danari.
|