I.ko Itanasia

Iraola, V.

 Ez baldin badakazu

 oraiñ zer egiñik,

 katibatuko zaitut

 bost minutuban nik,

 bai eta ere jarri

 progatzeko eran,

 ia asmatzallia

 ontan ote zeran.

 Au da gauza klase bat

 eta geyenian

 jartzen dana lenbizi

 mayaren gañian;

 gero labanik gabe

 baña kontu aundiz

 biatzez pikatzen da

 beñ edo bi aldiaz...

 ¡Ez aldezu pentsatzen

 kostillen bat dala!

 ¡aspaldiyan jana zan

 izan balitz ala!

 ¿Zer dan galdetzen dezu

 orrelako jana?...

 ebakitzen da baña

 ez da jaten dana.

 Asmatzen badirazu

 ez izan dudikan

 pozik emango zaizu

 nere partetikan

 sortu zaizun meriyo

 izen au burura

 zuretzako Indoren

 eche eder ura.