Pelotariyak
Iraola
Eibarko Txikiya
Onen txestotik ateratzen da
pelota txit zatituba,
naiz bera izan txatar motela
edo naiz izan pisuba;
zenbait plazetan sartu azi du
patrikerako izuba,
lau modutara, ezagutzen
dute guzien maisuba.
Billabonako Mainguba
Odol biziko pelotariya
plazaratu zan gazterik,
ez da ikusi iñor egiten
ark bezin sake gaiztorik,
aurrian jotzen dubenak berriz
egin nai ezik boterik,
pelota gogor ebakitzeko
ez da azaldu besterik.
Mardura
Ankaz azkarra buruz abilla,
plaza ongi du betetzen,
maneju ona dauka gañera
pelota ongi baztertzen;
kontrariyuak gutxitan diyo
nai aña bolia artzen;
oni partida irabazteko
ez ditu lan txarra jartzen.
Elizegi
Erremontian nola elduta
biyak ederki dakizki,
indarra eta beso libria
sobra berekiñ daukazki,
zerbait maliziz jazten danian
duda gaberik da aski
onenen kontra jokatu eta
irabazitzeko noski.
Baltshar
Au da Marduren plaza laguna.
aurreko jokalariya
begi zorrotz dun mutill ernia
biziro bildurgarriya;
kontrariyua bere lekuan
naiz ondo egon jarriya,
kontugaketzen bada aguro
artuko diyo neurria.
Brau Txikiya
Errebes eder lasai galaya
meritu aundiko juak
esnatuko du kontrariyua
tentatzen badauka luak,
¡a zer mutilla billatutzeko
txokuak edo txuluaki
plaza danetan oparo ditu
irabaziyak txaluak.
Bergararra
Indarrez jo ta egiten badu
pelotak zorrotz botia,
beso azpitik tiratutzeko
beretzako da obia;
egokiya ta sasoyekua
batere bildur gabia,
dudarik gabe ez da erozein
onlako ditxen jabia.
Brau Zarra
Onen mugirak biziyak dira
beti partida danetan,
txantxarik gabe jokatutzendu
irabaztera benetan;
bere bolia fiñakiñ daki
pelota jartzen anketan,
orrengatik du kontra dubena
erabillitzen neketan.
Portal
Urte bete da geyenaz ere
txestoz egiña sarrera,
nonbait argaitik erortzen zaizka
iñoiz pelotak lurrera,
baña bolia indartsu arrek
bultzatzen badu aurrera
moda berriko kolejiyuan
egiña dauka karrera.
Meltxoz
Mutiko pizkor korajetsua
asten danian sakatzen,
irixko gazte bizi bizia
dirudi plazan jokatzen,
oso da fiña; argatik daki
azken tantoraño eltzen;
Meltxor'en faltan ez da partida
berialakuan galtzen.
Zarrak
Lizurume ta San Juan izandu
dira biekari osuak,
Joxe Juakin da Txikibar zalla
fiñ eta baliosuak,
Potono ona, Bega zimelak
jarriko ditu lazuak,
jokatu eta irabazteko
lagundutzera besuak.
Gaztiak
Sanperio eta Pasiegua
Antonino ta bestiak,
azaltzen azi dira plazara
txit pelotari gaztiak;
antxen bildutzen dira galayak
langilliakiñ nastiak,
gure oitura zarrak ez baitu
merezi galtzen uztia.