Iñauteriak Arzayak

 Zortzikoa kantari

 Menditik kalera

 Donostiya-ra pozez

 Gaur etorri, gera:

 Ariñ makil saltoan

 Aldapetan bera

 Iñauteriyetako

 Pestak ekustera.

 Arzayak izan arren

 Gure dantzariyak,

 Dira guztiz lirañak,

 Datoz chit galayak:

 Kolore ederrezko

 Berdiñak janziyak,

 Eskubetan politak

 Makil ta uztayak.

 Danza leku ederra

 Olezko biguña,

 Plazan dago berriro

 Gaur bertan egiña:

 Ikusteko nork duben

 Zankoa ariña,

 Eta zeñek obeto

 Darabillen, oña.

 Zer ikusi geyago

 Izan dezan festik,

 Eta luzeagoa

 Iraupena goizak:

 Arzayakin batean

 Datoz gaur modistak,

 Josten eta bordatzen

 Langille politak.

 Guztiz ondo dakite

 Egiten kofiyak

 Kolorezko zintakiñ

 Modara jarriyak:

 Oi ez bezelakoak

 Dira neurri gayak

 Buru kolokak, eta,

 Illez estaliyak.

 Len, orain, eta beti

 Kaletar maiteak

 Zubentzat esker onez

 Biyotzak beteak:

 Oroituko gerade

 Juan arren urteak

 Gure denboran, eta

 Ondoren semeak.