Ama gaintipiñia
Guerrero, Teodoro
Jostatzen zuen arkume churi
Batek zelaian pozkidaz,
Auta-kolorezko auntz eder bati
Milla pallaka egiñaz,
Leñak baizuen bildu mendian,
Non ardi pikara batek
Egin ta utzi zuen alde bat,
Ama biotz-gogor onek:
¡Amoriorik gabeko ama
Eta larraberekia!
Auntzak ematen zion goisoro
arkumeari titia,
Eta tratuak, zabaltzen duen
Naitasun aundiren bidez,
Ilerak egiña bazan bezela
Maitatutzen zuen ziñez.
Biei begira pozez zegoen
Zakurbatok, bildochari
Esaten dio:-"Gaitzikgabea,
Ez da zure ama ori."
-"¡Nere ama da!" umerrichoak
Dio aserre eranzuten.
-"Orren semea baldin baziña
¡Zeñen itsua zeraden!
Ardi-uleak lizuke ondo
Emango ez auntz-illeak."
-"Esan zaidazu? ¿zer esan nai du
Illearen koloreak
Nere egiazko ama da, zeñak
Maitetsu eta esticho
Begiratutzen didan arduraz
Eta bazkatzen ondocho.