Tule'ko erregea

Goethe, J.W.

 Errege bat izan zan bein Tule-n,

 erioraiño zintzo ta kirmen;

 bere matteak, iltzeko orduan,

 urrezko ontzi bat baitzion eman.

 Ederragorik ezer etzaio,

 ort darabil yatorduoro;

 begiak malkoz urtzen zitzatzkan

 andik edaten zuen guzian.

 Iltzerakoan, zenbatzen ditu

 bere mendeko yaurgo ta iriak;

 oiñordekoai utzi zizkien

 ontzia ez beste on guziak.

 Oturuntza bat apaindu zuan,

 zaldun guziak bere inguruan,

 bere asaben gela garaian

 itsas-bazterreko yauregian.

 An txutitu zan edale zarra,

 edan zuen azken bizi-garra

 ta aurtiki zuen ontzi gurena

 azkar itsas-ugiñetan bera.

 Ikusi zuen ura erortzen,

 urez betetzen, itsasperatzen;

 begiak goibel yarri zitzaizkan,

 geroz etzuen txortarik edan.