Jesukristo gure Jaunari zeruratutian

Garita-Onandia, Balbino

 Zerura dua, zerura dua,

 Jesus gure chit maitia,

 Lur-giro-char, ta elkor-elkor-au

 Ichirik ones betia.

 Zakudaz, Jauna, inguraturik

 Aingeru ederrez guztia,

 Ta zeru-goiyan, zu artuteko

 Dakust, ¿nor?... Aita zuria.

 Zerua dago urdiñ urdiña,

 Muru-garaiyak pozturik,

 Mendi-zelaiyak, padura-danak

 Lora-politez jantzirik,

 Apostoluak ta Ama Birjiña

 Dagoz bakarrik tristerik,

 Euren Maisua dakutzelako

 Bere Aitagana goiturik.

 Aingeru-batzuk agertzen jakez,

 An supituan aurrian,

 Eta dirautze, "¿zerren, gizonak,

 Zauz emen mendi-gañian,

 Gora-begira?.... Jesus berbera

 Erorriko da airian,

 Itzaltasunez, mundu guztia

 Juzgetan datorrenian".