Donokiko Ama'ri
Garbizu
Eskale nator Ama Miren
entzun zaidazu arren ta arren
...............................................
¿Maitasun garrez gorri-gorria
daukazun biotz labeak
anker onentzat itxita dauzka
biotz ortako ateak?...
¿Gar oietatik ez dirazu ba
txinpartatxo bat emango?...
¿nere biotza ez da orain gai
Zure gauzarik artzeko?...
¡Ez naiz arritzen arro dolor au
baztertua eukitzea
obendaririk ez dezu nai ta
labe orretan sartzea!
Biotz zatardun seme gaizto au
uztea ez naiz arritzen
orbange diran aiek bakarrik
ditugulako maitatzen.
Iriki Ama biotz labeko
ate gorriak, arren bai,...
ortxe erre nai det maitasun garrez
gaurtik naizelako garbai.
Kupitu zaite Ama samurra
alaxe dasketzut larri
oben aztunak emen utziaz
ar nazagun Zugaz sarri.
Esan ba orain Ama kutuna
¿obendun ote naiz ilko?...
¿ez ote nazu Zure alatzaz
biotz garbidun jarriko?...
¡erruki, Ama, kupitu, Miren,
ez utzi galtzen betiko!
...............................................
¿Entzun dirazu zer nai dedan?
¡o, Ama ona zerbait eman!...