Gaztea'ren esnatzea
Agirre, Joseba Mirena
Zoridunen etxeak
Iguzki'k bai-bai takizki,
Gazte'ren leioz barne
beseo sartuki,
begiak uki...
Gordeka, ala datortzu
adiskide yostalari.
Etxetik urbilean,
bizpairu akazi luze
zeuden. Bertan, txoriek,
goizero, batzaie.
Naiz yai naiz aste,
auzoko belarriak
alperrean ez daudeke.
Batak begiak uki,
bestetzuek, entzukia,
esnarazpide oro
du Gazte'k ukia.
Ez da yaikia.
Ametsik gozoena,
erdi-lotan yardukia.
Begiek, urre gar-uts;
entzumenak, ezti gorri;
amesmenak sor dizu
zelai zoragarri.
Or duzu yarri
mutila: babesgai du
sagarrondo loreberri.
Baņan, izana itxaro
ametsik ez bezelako!
Nagiak bota ditu;
esna duzu oro.
Zuti da aguro.
Goien, parrez, igesi
ziyoan iguzki zoro.
Goizaldeak irira
oi-duan ots gozo ņabar
aizeņoak Gazte'ren
belarrira dakar
izketa-marmar,
zaunka ta asto-arrantza,
sardin-saltzale deadar...
Esne-marmitek, tinka;
basagurdia, kirri-ka;
leio batetik, parre;
kaletik, zirika;
ordu-erdika,
yoaleak, laburki,
Yaunaren opa aldarrika...
Kalerik ez ageri,
baratza dago tarteka;
beso giarrez, yotzen
al duzu, arrika;
Gazte'z aurrika,
arako torre zarra,
zuti, baratza non buka.
Ugarte deritzanez
itxas-erdiko legorra,
etxarte zeritzaken
ikusgai-alorra.
Lur emankorra;
baratza-sail itxia;
pake-barruti yatorra.
Gizalur-ezaugarri,
Kea dugun mutil alai!
Etxerik-etxe dabil,
gain gorriez garai.
Beti goranai,
kide goitar bearrez
duzu biurtzen ortzigai.
|