akatsak / iradokizunak inprimatu
Biotz on, mutillak!
Izenburua:
Biotz on, mutillak!
Sinadura:
Evtuchenko, E.
Urkizaren iruzkina:
Egilea(k):
Evtushenko, Evgeni A.

Argitalpena:
Karmel.
Urtea:
1970
Argitalpenaren urtea:
Alea:
2
Orrialdea:
97

 

 

 

 

faksimilea ikusteko


Biotz on, mutillak!

 

Evtuchenko, E.

 

 Latza nintzan ni,

 eurrez mutildu ni nebazan,

 neuk nituan akatsez arduratu barik.

 Jenteari erakutsi egiten neutsola,

 uste neban,

 zelan, bizi bear dauan,

 eta jenteak ikasi egiala

 Baiña

 parkatzen asi nintzan...

 Ezaugarri txarra!

 Eta bein, tarte sartu nintzan batean,

 saio-tegiko neskatx laguntzaille batek, betaurrekoz,

 nik lar zabal ikusten nitula gauzak, bota eustan.

 Atzetik datoz

 mutil arro ta agintzailleak

 Euren ikubiltxo samurrak estuturik,

 gorengo atsegiñaren ito-bearraz,

 ausarki ager-azten dabez

 nire argalkeriek.

 Biotz on, mutillak!

 Biotz on!

 Segi ortik!

 Egia esan, zuek baiño jakitunago naz.

 Enparauakaz latz ez izatera eltzean,

 gazte izatea be itxi egin oi dogu.

 Konturatzen naz,

 lotsaturik,

 azkarrago nazana.

 Zuok zentzun ezago zarie,

 baiña ori ez da txarra,

 zeuen zuzen-ezean be

 zuzenak bait-zarie noizik bein.

 Biotz on, mutillak!

 Jakin egizue, baiña,

 nausiago izan eta utsiak geiago

 ez dozuela egingo zin egiterakoan,

 zeuen lazkeriz be gogaituta aurkituko zariela,

 ta apurka apurka atsegiñagoak izango.

 Beste mutil batzuk,

 arro ta agintzaille,

 datorkez atzetik

 euren ikubiltxo samurrak estuturik,

 gorenengo atsegiñaren ito bearraz,

 eta zuon argalkerien kontra

 oldartsu jagiko dira.

 Eta, aurretik dirautzuet,

 asko sufriduko dozue,

 eta amorruz baita agiñak erakutsi be:

 baiña, naiz-ta onek lan aundia emon,

 azkenez lortuko dozue

 "Biotz on, mutillak!"

 esateko beste ausardi izatea.

 


akatsak / iradokizunak inprimatu