Bere seme batek Donostiari
Euskaldun bat
Ameriketan neukan denboran
osasuuako pobreza,
ongi jartzea gatikan nuben
egin Lezo-ra promesa;
aginde ura etzalarikan
kunplitzen oso erraza,
noiz bait etorri naizda entzun det
Lezo-ko eleizan meza
Au dala bide allegaturik
Donostiako errira,
non nabillenik ezdakitala
eman det guztian jira;
lendabiziko jarri naiz zarra
deritzonari begira,
neretzat onen echeak ere
goienak berriak dira.
Ikuste batez arkiturikan
ezin esan ainbat grazi,
segiduban naiz bere eskiña
guziak miratzen azi;
¡bañan zer pena alde batera!
non bait ez dirade bizi!
erri guztian ez ditut amar
lagun lengoak ikusi.
Ez det billatu non dan ni jaio
nintzan olezko barraka,
au zan tokiak bere gañean
eche eder bat baidauka;
kaleak ere lendik onera
izen trukatuba dauka,
nere jaio ta bizi lekubak
lengo antzikan ez dauka.
Alde batera senti det poza
bestera berriz det pena,
ikusi gabe eskutatea
nere jaioterri lena;
gaur iruri du uso churi bat
itsas gañean dagüena,
ego ederrak zabaldurikan
egan joan bear dubena.
Ez dira lengo murru kopeta
beltz itsusiak ikusten,
beren lekuban zer ibiltoki
ederrak egin dituzten;
aiek etzien usochoari
egak zabaldutzen uzten,
zori onean arrazetikan
guziak kendu zituzten.
Oez kanpora ikusten dira
milla bat eche berriak,
beren artean, Jauregi-echeak
diruritenak erdiak;
kaleak ata plazak ederrak
dendak begiragarriak,
ametsetako gauza bat dala
diruri nere erriak.
Eche aundi ta ederrak egin
baldin badira ugari,
ez dira era eskasagoak
agiten diranak ari;
beste askoren artean plaza
Gipuzkoan da bat ageri,
jendea prankok begiratuko
diona bere lanari.
Pauso lekubak ederrak daude,
politak lore tokiak
ur-amilde ta iturrichoak
nola chabola chikiak,
oekin argi-oin burnizkoak,
soñu leku ta alkiak,
begiragarri jartzen ditula
gabaz chimistki argiak.
Uztai urrezko baten erdian
dauka itsaso urdiña
bere grazia ederraz biltzen
diona zorion diña;
perla polit au dago Zeruko
eskiñ batean egiña,
itz batez, au da mundu zerubak
elkartzen diran eskiña.
Emazteari segiran bear
diot nik adierazi,
etor dedilla Donostiara
bere pamili ta guzi;
ez det au bañan toki oberik
Indi guzian ikusi,
ez nua berriz Amerikara,
emenchen bear det bizi.
Erririk graziz orniturikan
iñon arkitutzen bada,
beretako bat gure Probinzi
Gipuzkoan Donostia da;
lurrak gañean, jaso lezaken
politenetan bat bada,
aurrera ere dan bezin polit
gorde dedilla albada.