inprimatu
Triki-trirako koplak
Izenburua:
Triki-trirako koplak
Sinadura:
Etxebarria, Toribio (Arratetiko bat, Ibiltarixa)
Urkizaren iruzkina:
Egilea(k):
Etxebarria, Toribio

Argitalpena:
Zeruko Argia.
Urtea:
1967
Argitalpenaren urtea:
Alea:
202.zk.
Orrialdea:
10

 

 

 

 

faksimilea ikusteko


Triki-trirako koplak

 

Etxebarria, Toribio

 

 Goikua ez lelengotzat

 nola pekatu dan,

 bildur naiz maittiago

 ez ete zaitudan.

 

 Eskeko bat aittizu

 ataiko atian;

 neu naiz narabizuna

 aspaldi eskian.

 

 Zenbat zazkarrek zuri

 berba eder fiņak;

 maitte zaittuan onek

 asmatu eziņak.

 

 Begirakun sorgiņ bat

 dozu begixetan,

 sarietan bezela

 preso nozu bertan.

 

 Arrate aldietatik

 dan Ifar aizia,

 baņo atsegiņaua

 zure arnasia.

 

 Ausi neban legia

 kontentau guran zu;

 zerua galduz gero

 zaitut zu be galdu.

 

 Bart eiņ dot amesetan

 zuk maitte nozula;

 benetan esairazu

 ez dala guzurra.

 

 Erakutsi zestazun

 errez maitatutzen,

 baņa eziņ ikasi

 oraiņ zu aztutzen.

 

 Asieran laztan bat

 ostu netsun nekez,

 baņan aren ondoren

 milla batzuk errez.

 

 Arratetik etxera

 beiņ jakun illundu;

 illun a kulpagarri

 biar guk ezkondu.

 

 Gazte zaran artian

 jolaseri oratu,

 beiņ ba gozatutakua

 iņork ezin kendu.

 

 Aratostiak juanda

 Garizuma ekarri,

 Garizuma igarota

 berriz pekatari.

 

 Dirudunan ondoren

 ni laga ninduzun;

 baņa oiņ dirudunak

 beste bat eiņ lagun.

 

 Darabizun gaztian

 gaizkirik ez esan,

 gar orretan ez dakizu

 erreko ez zaran.

 

 Ez dau soņuak eitten

 erromerixia,

 ezta erromeririk

 ez bada an maittia.

 

 Zeri zagoz begira?

 Erozi al nai nozu?

 Mundu dana bat eiņ da

 naiku diru ez dozu.

 

 Ikusi dot itxu bat

 zoyala gaur barrez;

 ta zu begi ederrez,

 zergaittik negarrez?

 

 Beiņ izan nintzan baten

 zuen basarrixan,

 zoriona aittu neban

 zer leku txikixan.

 

 Zu ederra izatiaz

 nik zorigaiztua,

 burura jatsulako

 igo orren arrua.

 

 Larrosiak lezkotxe

 ederra itxuria,

 larrosiak bezela

 dozu arantzia.

 


inprimatu