Chorien besta
Etcheberri, Agustin
Bein, orai duela
Ya ainitz denbora,
Usa yaun andrei eldu
Zaiote gogora:
Guan baino leenago
Egoko partera,
Bear dutela eman
Besta bat ederra;
Adizkide guziak
Bildurik batera.
Gonbidatzen dituzte
Bilkura ortako:
Belatcha, Arranoa,
Yaun Amia-moko,
Zigoina, bas' Antzara,
Eta bertze asko.
Ez gero egun artan
Utsik egiteko
Non ez den zori-gaitza
Eri izateko.
Andre Usoak ez du
Deutsik gupidesten,
Ase baten ari da
Ona preparatzen:
Bii, aza, aragi,
Aarrain puska biltzen.
Ango usain gochoan
Ila piztuko zen!
Bainan murde Belea
Gonbidatu etzen.
Egunto artan ara
Airetan Belea
Mokoan darokala
Arri bat andia!
Orantchet yan-eta-yan
Ari duk choria:
Biltzarraren erdira
Idukiz begia
Uzten du erortzera
Mokotik arria.
Kask!!! arria lurrean
Zenean puskatu,
Batek: maingutu dela,
Bertzea okertu;
"Biziaren lanyeran
Nork nai dik bazkaldu?"
Eta Usoen kontra
Eginez arnegu,
Bestalierak ziren
Laster egaldatu.
Okila eta fika
Usoen onetan,
Bertze chorietara
Dire gatekotan,
Ez ditezentzat geldi
Asarre funts-ortan.
Bainan ez zirelakotz
Berak gonbit bestan
Zioten: "ez gaiten sar
Bertzen aferetan."
Adizkiden bilkura
Duenak bilatzen,
Obeago du asiz
Denak gonbidatzen;
Ez ibil bat ar-eta
Bertzearen umen,
Zeren askotan etsai
Zare bilakatzen;
Gero arri-kolpentzat
Arriskuan yartzen.
|