Dirua eta sosa

Etchamendy, Pedro Juan

 1

 Huna zertaz dauketan egungo solasa,

 batzuek deitzen dirue ta bertzek sosa.

 Munduan bizitzeko gauza baliosa,

 tzarra baduela're erran daike aisa;

 etzaiztela lotsa,

 nik eman abisa

 ez da lanjerosa,

 esplikatuko dut ahal bezein ontsa.

 2

 Diruak hauxe dauka bere katixima,

 bizia egiten oro gaiten berma;

 gizonak ezarria sosaren sistima,

 gauza beharra dela dezagun estima;

 duena lastima,

 galtzera derama

 hanixko arima,

 Satanek hori du ihiziko harma.

 3

 Dirua egin daike aunitz gisetara

 bainan bide nagusiak biga dira;

 zuzenki ta oneski ibiltzen bagira,

 geroaren beldurrez ez egon ikara;

 batetik bestera

 behar den tokira

 gauzak jiten dira,

 guk kusi gabe dago Jainkoa begira.

 4

 Ezkerreko bidian Satan buruzagi,

 buruan har dezagun ez da goizegi;

 zuzenian iteko aunitz jende nagi

 bagirela munduan badaki bai ongi,

 zertan den ibilki

 Satanek badaki

 erraiten abilki

 diruz aseko haut haugi hunat haugi.

 5

 Diruaren sudurra afera guzietan,

 sartzen de bai ere amodiokotan;

 Amodiotan ziren Maria ta Petan,

 neskarikan hain maite ez omen du izan

 Ezkondu betbetan

 Bizentarekilan

 ta berak daut erran.

 ez nian maite bainan aberatsa zukan.

 6

 Irabaz eta gasta behar den lekian,

 dirua balios bere izarian;

 diruaz kestione heldu zatzunian

 atxik konzienzia bide zuzenian,

 Satan ingurian

 dabila airian

 atxiki burian

 Jainkoak bar gaitzan azken orenian.