Menditik Hazparnera
Erramouspe, Peyo
1
Urtheak lerro lerro dilindan lepotik,
Urratsa pizu eta gogoa arinik
Hazparnera jautsi niz mendien gainetik,
Bertsulari ederren aditzea gatik.
2
Lehen, ni hola hola orai bertzen aldi,
Hazparnen izan nintzen duela aspaldi,
Nerekilan nulea Martin Larramendi.
Orduko gure sua berriz pitz baledi!
3
Hazpandarrak eder du ongi ethorria:
Bihotz beroa eta gozoa irria,
Pizu aire batekin, gorphutza joria,
Arrosaren pareko aldiz aurpegia.
4
Elgarren berdintsuak zortzi bertsulari
Guduka hasten dute batek bertzeari,
Erdaldunak non dute joko gisa hori?
Eskualdun da horta nagusi orori.
5
Jende este ederra barne haren bete,
Haundi eta jakintsun bazela, diote.
Lore sorte guziek balio badute,
Multchoan ederrago dirare ni uste.
6
Oxobi ikusi dut: bainan urrunera!
Begitartea arrai ene arabera,
Gostatzen dena gosta bertsu aditzera
Igerika joan laike hurez... bertzaldera!
7
Bazterretik, entzun dut segur solas frango.
Kechu aire, batean baziren zombaitño.
Zertako ziran hola gogoeta nago,
Aroa borthiz, edo, zelakoz boz ondo.
8
Hauche behar dauzuet orori aithortu.
Besta bururatuta zer zaitan gertatu
Adin batean orai, hunek nu harritu,
Deabruak nauelakoz bortizki tentatu.
9
Akabatzean zuri ene gorespena
Bihotzaren orditik jaun Ernandorena,
Errotik Eskualduna eta fededuna
Gure Herri maitea goratzen duzuna.