Nor erranen du?

Erdozainzi Etxart, Manex

 1

 Berrogoita hirugarren urtean

 Herioak beretu zuen

 Urriko asteri batez

 Bere etxekoak arto biltzen ari zirela

 Viet-Nam'en gerla

 Eta, nik uste, untsa orroit banaiz,

 Ez zen lurra baratu here usaiako itzulian.

 2

 Azken hatsa eman zuen

 Eta pollikiño

 Begiak hetsi ziozkan

 Norbaitek

 3

 Begien zolan

 Soa sortzen ditaken gunean

 Ezin negurtuzko

 Barnatasunean

 Begien zolan

 Soa galtzen ditaken gunean

 Begien zolako eremuan

 Lanbro batean

 4

 BIZIAREN

 ETA

 HERIOAREN

 ARTEKO

 BORROKA

 5

 Begiak hesten direlarik

 Pollikiño

 Begiak perekatzen direlarik

 Umilki

 Azken aldikotz

 6

 NORK

 ERRANEN DU

 BIZIA

 ALA

 HERIOA

 NAGUSITU DEN?

 7

 Usaiako nigarrak ixuri ziren

 Auzokoak bildu ziren eta ibili

 Eta, untsa orroit banaiz, herritar asko

 Eta kartierekoak ere

 Usaiako sar-jalgi eta otoitzen egiten.

 8

 Goiz batez, hamarrak irian,

 JOANES GALLASTEGUI

 Berrogoita hirugarren urtean

 Ereman zuten, bizkarrean, auzoko gizonek

 Elizaraino

 Hobiraino

 Eta ehortzi.

 9

 Lurra botatzen delarik

 Pollikiño

 Lurra botatzen delarik

 Umilki

 Gizon baten gorputza inguratzeko

 Azken aldikotz

 10

 NORK

 ERRANEN DU

 BIZIA

 ALA

 HERIOA

 NAGUSITU DEN?

 11

 Familiakokk

 Hitz hauiek idatzi-arazi zituzten

 Hil-harrian:

 «HEMEN DAGO

 LURRAREN GORDEAN

 JOANESGALLASTEGUI

 (1922-1964)

 BIZIA

 GIZONEN LURREAN

 NAGUSITUKO DELAKO

 ESPERANTXAN»

 12

 Familiakoka

 Ahaideak

 Herritarrak

 Eta herritik kanpokoak

 Eguneroko bizitzeari berriz loin ziren...

 Dakidalarik

 Lurra ez zen baratu bere usaiako itzulian.