Astoa

Azkaindarra

 1

 Norbeitek nonbeit erran du zer den mandoa,

 Nik aldiz erran nahi dut zer don astoa.

 Asto gaizoa...

 Bat etchean badugu ongi gozoa

 Eta maltsoa...

 Izena badu ere... ez da astoa!!!

 2

 Gure astotto maitea gorphutzez zer den

 Ez baitut aski denbora, ez dut erranen

 Orai bederen...

 Lephoa lodi dago, bizkarra lerden,

 Izterrak gizen...

 Nik ez diot gezurra,... badaki jaten!!!

 3

 Oi zoin ikhusgarria zen pullo zelarik!

 Haren kopeta ttikian bi begi handik

 Chabal chahalik

 Igortzen zuten nihon ez den dirdirik...

 Ez dut uste nik

 Izarretan badela horren ederrik!!!

 4

 Landean zenean etzuen hartzen astirik,

 Laur bazterretan puttinka zabilalarik,

 Ebaska baizik

 Astañari hartzeko esne tititik...

 Etzen beldurik

 Pulloa gal ginezan kolikaturik!!!

 5

 Lanean abiatu zen bi urthetako

 Haur tzar guzien azpian, dela etcheko

 Dela kampoko...

 Ordutik egin ditu urhatsa franko

 Eta beharko!

 Bakotcharentzat balu laka bat artho!!!

 6

 Amacho chaharrarekin bihi saltzera

 Argi hasteko badoa hiri handira

 Trichte ardura.

 Amachok han emanen dazko jatera,

 (Ez duk segura!)

 Bi pastenagre gorri mainaterera!!!

 7

 Etcherat heltzen denean amachorekin

 Beharko ditu ekharri muthilarekin

 Bi zaku irin

 Bidean panpak hartaz pazot batekin...

 Ez, mila sorgin,

 Urus... asto guziak ez dira bardin!!

 8

 Kampo zabalean edo etche barnean

 Horra nola hari zaukun bethi lanean

 Ongi denean.

 Bainan, orok bezala, eri denean

 Azken hatsean,

 Purga bat nahiko du chokho batean!!!

 9

 Hiltzen ikhusi izan dut asto bat behin,

 Handizki egin zautadan bihotzean min,

 Bainan zer egin?

 Begietarik nigar, ahotik kaurin

 Han gaizo Martin

 Bethikotz lokhartu zen «Hi-Han» batekin.