Nere bordatxotik
Basarri
Ainbat urtean abertzale ta
euskeraz ez ikastea,
artaz mintzatzen asten danari
nolanai eragoztea
bide ortatik nai al-dezute
aberria gaizkatzea?...
anai arrebak ori bai dala
denbora alperrik galtzea.
***
Il nayago dot
ikusi baņo
Aberriaren
AMAYA
***
Korapildurik daukat mingaņa
barrenai odol dario...
miņaren miņez utsik badere
urrundu bear natzaio.
Aundi natzaio aundi dager-ta.
Urrunduko naiz berela;
Yaunaren naiak elkartu nau-ta
untzak aritza bezela.
Agur, Euskal-erria
zugandik banoa;
maite bazaitut ere
maitago Yainkoa.
***
Ene mundua ustelkeritan
gaņeztuta agertzen zaigu,
iņoiz usterik ez gendun gauzak
begiz ikusten ditugu,
guk euskaldunok al dala beintzat
nola udara ta negu,
aurreko asabak ziran bezela
garbi bizi bear degu.