Mari Birjiñari mayatz-illean
Echegaray, Karmelo
Mayatz-illean baso,
Zelai ta mendiyak,
Guzti-guztiyak daude
Begiragarriyak:
Denak ikusten dira
Galaiki jantziyak,
Denetan aditutzen
Kantu chit eztiyak.
¿Zergatik da Mayatza
Añ ill gozatsua?
Dalako Mariaren
Ill bedeinkatua;
Argiatik dago lurra
Lorez estaldua;
Argatik, apaindurik,
Erdi-zerutua.
Zuri begiraturik,
Ama chit eztiya,
Lurrean ikusten det
Zeru pozgarriya.
Zuri dizut eskeintzen
Ni naizan guztiya:
Ar zazu bada, Ama,
Nere eskeñiya.
|