Arrechinaga. (Amalauduna)
Echegaray, Karmelo
Zuri begiratzean, arriturikan,
Oroitutzen naiz, arpill ikusgarriya,
Nola gizon argiyak, berezirikan
Dabiltzan, jakin nairik zure sustraiya.
Batzuentzako zatoz ujoldetikan,
Beste batzuentzako zera sutiya,
Beste batzuentzako goiyetatikan
Gizonaren indarrak ona jechiya.
Baņa, bakarrik or, nik dakustana da
Egille Goyenaren aunditasuna:
Ikusten det, gizonak egiņa bada,
Jainkoak eman zion argitasuna;
Eta Sortitzarena, lan ori bada,
Sortitzaren Jaunaren neurteztasuna.