inprimatu
Beti, beti euskaldun
Izenburua:
Beti, beti euskaldun
Sinadura:
Echegaray, Bonifazio
Urkizaren iruzkina:
Egilea(k):
Etxegarai, Bonifazio

Argitalpena:
Bertsolaria.
Urtea:
1932
Argitalpenaren urtea:
1
Alea:
30.zk.
Orrialdea:
187

 

 

 

 

faksimilea ikusteko


Beti, beti, euskaldun

 

Etxegaray, Bonifacio de

 

 1

 

 Euskaldun gera eta

 Beti nai degu izan;

 Zergatikan euskaldun

 Jayo ta azi geran;

 Euskaldunak gerala

 Beldur gabe esan,

 Eta euskaragatik

 Gure odola eman.

 

 2

 

 Gure euskara maitia

 Beñere ez galtzeko,

 Eta Euskal-errian

 Beti itzegiteko

 Itzegin zagu bada

 Ta onla ezta galduko,

 Munduben asken arte

 Ez da ez aztuko.

 

 3

 

 Gernikan dago aritza

 Euskaldun denena,

 Eta gure biotzen

 Gauzarik maitena;

 Aritz txit santu onen

 Aundia da omena,

 Au gordetzeagatik

 Egiñ zagun lana.

 

 4

 

 Gernikan aritz ori

 Beti da altxako,

 Zergatik ez diogun

 Erortzen lagako;

 Naiz arbola santuba

 Balitz eroriko,

 Gure odolarekiñ

 Genduke altxatuko.

 

 5

 

 Euskaldun danak bada

 Elkartu gaitezen;

 Ea gure errian

 Degun guk pensatzen;

 Guk au fedearekin

 Badegu egiten

 Jaun aundia zerutik

 Digu bai lagatzen.

 

 6

 

 Itzegin zagun denok

 Beti, beti euskara,

 Ez laga gure izkuntza

 Maitia, atzera:

 «Biotzean gurutza

 Eskuban bandera,

 Esan lotsarik gabe

 Euskaldunak gera».

 


inprimatu