Euskal-erriari agur

 Agur maitagarrizko

 Euskaldun erria,

 Len zorioneko

 Gaur errukaria.

 I.ª

 Zure mendi biribill

 Politen artean

 Artu nuen arnasa

 Mundura agertzean;

 Zure gaztaña, sagar

 Ta inchaur ostopean

 Jolas egiñ oi nuen

 urcho nintzanean.

 2.ª

 Anchume joiasgure

 Dan baten antzera

 Saltoka ta lasterka

 Batetik k bestera.

 Zure bidechigorrak

 Gora eta bera

 Igotzen nituen nik

 Goizetik gauera.

 3.ª

 Leku maitatu oek

 Utzirik gaur dandik

 Igesi banoa ni

 Ichasoz emendik;

 Alaere biotza

 Zugan det oraindik,

 Nai arren ez nezake

 Aldendu zugandik.

 4.ª

 Zure chit antziñako

 Euskera gozoa

 Da nik amachogandik

 Ikasitakoa,

 Izkuntza guzietan

 Paregabekoa,

 Noizbait leku askotan

 Itz egindakoa.

 5.ª

 Antziñako euskaldun

 Leial ta Nobleak,

 Zeñetatik ginduzen

 Fuero ta legeak

 Euskal-erriarentzat

 Ezin da obeak,

 Orain kentzen dizkigu

 Gaztelar jendeak.

 6.ª

 Gure mendi eta aitzak

 Etzuten ikusi

 Arrotzik egundaño

 Berentzat nagusi;

 Euskal-erria beti

 Libre oi zan bizi;

 ¡Ai! gure zorigaitzak

 Dira orain asi!

 7.ª

 Euskal erriko zelai,

 Baso ta mendiak

 Aditu oi zituzten

 Kantu pozgarriak;

 Orain penaz beterik

 Gure alderdiak,

 Lutoz jantzita daude

 Kanpo ta erriak.

 8.ª

 Agur biotzetikan

 Aide ta lagunak;

 Agur adiskideak

 Eta ezagunak;

 Eman dizazutela

 Beti gure jaunak

 Konbeni daneraño

 Pake ta osasunak.

 9.ª

 Biotzaren erdiko

 Amacho maitea

 Mingarri da neretzat

 Zu emen uztea;

 Jaunak gordeko nau ta

 Konsola zaitea,

 Berak naiko du nik zu

 Berriz ikustea.