Azken-agurra Ama Birjiñari

 Agur Jesus-en Ama,

 Birjiña maitea!

 Agur ichasoko-izar

 Diztiatzallia;

 Agur, Zeruko Eguzki

 Pozkidaz betia,

 Agur, pekatarien

 Kaya ta estalpia.

 Agur, gizonen Ama,

 Zeruko Erregiña,

 Ama gozo chit maite

 Amorezko piña!

 Zugandik juatea

 Gauza da samiña...

 Agur, nere biotzeko

 Poz eta atsegiña...

 Agur, gure poza ta

 Atsegiñ guztiya,

 Atsekabe danetan

 Gozakai eztiya!

 Agur, Birjiña eder

 Chit zoragarriya!

 Ar-zazu biotza ta

 Torizu biziya!...

 Baña zugandik alde

 Biyotzak eziñ du;

 Zeregana dijoa,

 Zugan bizi nai du:

 Birjiñ paregabea,

 Bedeinka nazazu:

 Agur, Ama nerea,

 Agur, agur, agur...