Umenaldi
Davant, J.L.
Lehen ürzoekin, larrazken hegoan
Aidatü zitzaikü, Herri hunen botza,
Hil zeinükan ütziz hanitxen bihotza,
Hütsik ürrüpera, goldeak ildoan.
Pastoral'emanik oraiko pikoan,
Kantü xaharretik berriari hatsa,
Aide asmatzeko ez baitzinen lotsa,
Xiberoa hazi düz' eüskaldüngoan.
Bihotzez baitzinen janik abertzale,
Zük entelegatü gaurko gazteria,
Osoan maitatü zazpiko Herria.
Urrezko txürülaz batarzün egile,
Haurzurtz egin düzü gaixo sor lekia
Eta irabazi betirak' Orhia.