Sigismundo-ren itzaldi-berangangoa presondegian
Calderon de la Barca
¡Ay ni beartsu! ¡Ay doacabe!
Jakin nai nuke, zerubac,
Ni onela ecusiric,
Zertan gaizki egiñ dedan,
Zuen contra jayorik;
Alabañan, jayo-ezkero,
Agiri-zait bertatic,
Arrazoya dezutela
Nere contra jaikiric;
¿Zer gizonai gaitz-geiago
Jayo-izana alacoric?
Bacarrik Jakin nai nuke,
Kentzeco buraustea,
Alde-batera, o zerubac,
Utziric jayotzea,
¿Zertan naizan char geyago
Ni geyago astintzeco?
¿Etziran jayo besteac
Bada, orrela izateco,
¡Zer mesede dute oye,
Nic bera ez eukitzeco?
Juyo orduco chorichua,
Gala ederrez janziya,
Lumazco-lora bezela,
Ta egaldi-loratiya,
Ots-garbi zeru-saloyac
Ziri-ziri erdibiric
An dijua chiu-chiu,
Abi-maitea utziric;
Eta, anima geyagoz, nic
¿Ez det libertaderic?
Jayo danetic piztiya,
Tantaz-nabarmeuduba,
Izartalde baten eran
Azalduric narraba,
Jan-bearrez, libre dabill
Noiz-nai irten leizetic,
Arrituric ingurubac
Bere orroa izugarriz;
Eta nic griña obeagoz
¿Ez det libertaderic?
Jayo danetic arrai-bat
Ur-belardi loyetan,
Escatazco ontzichoa
Dirudi ujoletan;
Zabal-zabal dabillela
Nora-nai jiraturic,
Ur-zelai neurrigabean
Ez du arkitzen caburic;
Eta nic gogo andiagoz
¿Ez det libertaderic?
Jayoric errecachua
¡Suge-baten modura,
Lora-tartean ziarca
Darama irristadura,
Ziraun-zillarrezco-gisa
Pichiyai muñ emanic,
Canpora igasitzen dala
soñu-gozoz marmarric,
Eta nic bizi geyagoz
¿Ez det libertaderic?
Emen, sutagar egiñc
Nere griña arrotza,
¡¡Prinzaca bota nai nuke
Bularpetic biotza!...
¿Nolatan, ezer badira
Gizartean legiac
Zuzentasun da arrazoia,
Kendu on mesediac
Zerutic dauzkeenac urac,
Arrai, pizti, choriac?
|